من.قلب البيت الأبيض و ما حدث بين الرئيس الأميركي و ميلون

From the heart of the White House and what happened between the US President and Meloni 

اللواء د م سامي دنيا  🇪🇬

لما تقوليله كلام الناس كتر علينا ولازم نحط له حد ، فيقولك نحط له حد ولا سبت ، تم تررارررام تم تم 

لقاء ميلوني مع ترنب لقاء كوميدي هزلي بين اتنين وعدوا شعوبهم بحاجات كتير ، ولما وصلوا للحكم معرفوش يحققوا منها اي حاجة ، الاتنين ينطبق عليهم المثل ، شحات بيشحت من شحات حرفياً 

مش بالكلام با ميلوني والله ، وقت الكلام فات خلاص ، النهاردة الكلام بقى بالدراع بس ، 

وهفضل اقولكم اللي مستعدش للمرحلة دي اقتصادياً هيتعب اوي ، حتى لو كانت دولة عظمى ومعاها فلوس قد كده ، 

القصة مش فلوس ولا دهب ولا عملات ، القصة النهاردة قوى شاملة ، 

الدولة التي لا تمتلك اسباب القوة الشاملة هتختفي او هتعيش عالة على دولة تانية تمتلك اسباب القوة دي ، تسونامي اقتصادي بيضرب العالم كله ، ولو فضل ترنب راكب دماغه كده ، دول كتير هتسيح زي الآيس كريم في الحر ، وهتضطر تردم على القديم كله وتبتدي من الزيرو زي ما عمرو دياب بيقول 

ايطاليا من الدول دي ، وكل ما بتتاخر في قرار البداية ، كل ما بتبقى الفاتورة اكبر والمشوار أصعب ، مالهاش حل تاني للأسف ، 

وأعظم شيء عمله الريس السيسي من ٢٠١٣ لحد النهاردة انه جهزنا للمرحلة دي ، وحقق لنا اسباب القوة الشاملة اللي تضمن لمصر البقاء في معركة ٢٠٣٠

اللهم لك الحمد والشكر يا رب .

معاااك للأخر ياااريس الى ماشاء الله 

نحمد ربنا …… وإذكروا الله كثيرا لعلكم تفلحون.