على مسئوليتى الشخصية الإنتماء آية فى كتاب الله

 

الإنتماء  آية فى كتاب الله  

 والذين هم لأماناتهم وعهدهم راعون

رئيس ديلي جراف عربية حول العالم


اللواء سامي دنيا   مصر   يكتب   


🔵 أسعد الله صباحكم بكل خير أصدقائى الأعزاء :

🔵 من وجهة نظرى المتواضعة: زى ما ربنا إبتلانا بمثلث برمودا، إدانا برضو مثلث العظمة " تحوت " ..

🔵 مثلث تحوت فى وزارة مدبولى هم:

الفريق كامل الوزير!!!

المهندس كريم بدوى!!!

الدكتور هانى سويلم!!!

ما الشعب غلبان، و لازم يجد من يحنو عليهم!!!

♦ لو أنا قعدت أسرد فى هِمَّة و نشاط الفريق كامل هحتاج 

 من 5 إلى 6 مقالات!!! وكلامى ممكن يكون مجروح لاننا كنا فى عنبر واحد ونحن طلبة فى الكلية …… فمعذرة معالى نائب رئيس مجلس الوزراء وزير النقل ووزير الصناعة الى حين.



إنما أنا هتكلم عن المهندس كريم بدوى و الترجمة الحرفية ل إدى العيش لخبازه!!!

الراجل ده إستلم و الوزارة مديونة ب 6 مليار دولار مستحقات!!!

و معيط كان عامل نصباية الإستيراد أم 10.5 مليار دولار و مسددش المستحقات!!!

بالتالى الشركات وقفت تنقيب، ووقفنا إنتاج!!!

جه المحترم كريم بدوى من روسيا إستلم الوزارة!!!▪ سدد المستحقات المتأخرة!!!

▪ دخل 3 شركات جديدة السوق!!!

▪ حط خطة ل 12 مكان جدد للتنقيب .. و سبحان الله ال 12 مكان طلعوا بترول و غاز!!!

▪ و بشرط المزايدات بتاعت الشركات كانت بأسعار عادلة جداً لمصر و أتاوة تنقيب محترمة و نسبة كمان محترمة!!!▪ تقريباً الوزارة الوحيدة فى الموازنة الهباب الجديدة إللى مقدمة عوائد إيرادات بدون تقليب المواطن، بزيادة إنتاج لا تقل عن 8% ..▪ بيتحرك أسبوعياً فى إتجاهات متعددة لتوسيع سوق التنقيب فى مصر!!!▪ لما قرأت كشف بأسماء المرافقين للرئيس السيسى لزيارة روسيا، الاخيرة وعرفت إنه رايح روسيا مع الريس لحضور إحتفالات عيد النصر تيقنت إن فى خبر جيد للطاقة فى مصر  والخبر أن مصر و روسيا إتفقوا على إنشاء محطة إسالة غاز عائمة لمصر، و طبعاً بحكم شغله و خبرته و علاقاته ... قدر يجيب أفضل مواصفات بأقل تكلفة فى أقل مدة تنفيذ!!! ▪ يعنى تأجيرنا لمحطة الغاز العائمة السنة دى لتلافى تخفيف الأحمال لن يدوم طويلاً!!! 🔸تقريباً كل الإستكشافات إللى تحدثت عنها الميديا 

و الأخبار إتعملها خطة عمل إنتاجية بالفعل!!!

🔸تقريباً برضو المنصة الرقمية المصرية للطاقة هى المنصة الرقمية الوحيدة إللى إنتهينا منها و بدأ التداول و العمل عليها،

" باقى المنصات ماشية بمبدأ متقاطعوش إنتوا بس و هتشتغل  " ..🔸أثناء رحلة عمله و خبرته كان دؤوب على حضور كافة مؤتمرات الطاقة و الهيدروجين الأخضر، و بالتالى قدر يحصل كل الجديد و يعمل لنفسه update يعنى تحديث أول بأول، و ده بينعكس على تصدر مصر لإنتاج الهيدروجين الأخضر عالمياً!!! 

🔸 المهندس كريم بدوى كل يوم بيثبت إنه يستحق يكون وزير ..محترم.



♦لو أنت مش متابع: ف الدكتور هانى سويلم تولى الوزارة فى 2022 ، هانى سويلم كان بروفيسور كبير و له ثقل علمى فى جامعة آخن فى ألمانيا، ساب كل الهيلمان إللى كان فيه

و نزل مصر أول ما تم إستدعاءه!!!

خلال ال 3 سنين إللى فاتوا مسمعناش عن سيول سيناء و أسوان، سويلم شغلته و تخصصه فى السدود و مخرات السيول و مخارج المياه، ف قدر يحول الكارثة لنعمة إلهية كبيرة!!! قدر يحول السيول و إغراق البيوت و الأراضى إلى خزانات مياه عملاقة، إستفادت منها سينا فى الزراعة!!!🔸مع الفكر الإبداعى إزاى تعمل شبكة رى فى سينا بدون ما تقرب لمياه النيل، و تطلع محاصيل كمان، فتلاقيه خلال ال 3 سنوات بيعمل عظمة و بس!!!🔸 و لو هو ده إنجاز الدكتور سويلم فى خلال وزارته  فيستحق قلادة النيل!!!

🔸 بالمناسبة أنا معرفش غير الفريق كامل الوزير من ال 3 أشخاص دول، و للأمانة ليس لى معرفة شخصية فى ذلك الوقت للإثنين الآخرين، و لا هم من بقية أهلى، و لا بينى 

و بينهم مصالح شخصية، لكن بأمانة ال 3 بيشكلوا مثلث العظمة!!!فى مصر ولمصر ولاهل مصر ولمستقبل اجيال مصر .

▪ الإنسان المنضبط عسكرياً وبينتمى لمؤسسة عقيدتها قتالية و بيعتمد على مستشارين فهمانين ومحدش يجرؤ يخدعه!!!

▪ الإنسان المتعلم تعليم منحه التخصص و التفوق فيه + خبرات عالمية فى شركات عالمية + فكر قائم على العلم و المنهج و الترتيب و إستراتيجية قابلة للتنفيذ!!!▪ الإنسان الفذ فى مجاله و إللى سمعته مسمعة فى ألمانيا كلها + الفكر الإبداعى القايم علي اسس علمية + إنتماء لبلده و تنفيذ أمر الإستدعاء دون النظر لأى مغريات أخرى!!!▪ 3 نماذج لو عندنا منهم 6 كمان فى الوزارة، كان زمان حكومتنا تضاهى حكومات القوى العظمى!!!

▪ على فكرة: الخيانة مش بس إنك تعمل لمصلحة دولة أخرى، أو تتجند لحساب منظمات ومؤسسات أخرى تضر بالصالح القومى!!!▪ الخيانة ممكن تكون غباء و ضعف وقلة حيلة مقرون بجهل و عدم تخصص ومستمر وساكت على نفسك …. خيانة للمسئولية، بينتج عنها خيانة أمانة!!!

▪ و للاسف بتكون سلبياتك أكتر من إيجابياتك، و بتشكل خطورة على الصالح العام للدولة!!!▪ و الإنتماء مش بس إنك تموت عشان بلدك، أحياناً الإنتماء بيتترجم فى شكل جملة أيوووا أنا أهل للمسئولية دى .. او امشى.. او انا شغال و هوريك انتاجيتى فيها شكلها إيه، و المواطن هيلمس ده بنفسه!!!احترمك وارفع لك القبعة …….. مصر كبيرة وجميلة واهلها من اجمل شعوب العالم ويكفى ان وصى عليها الصادق المصدوق نبينا الكريم سيدنا محمد بن عبد الله صل الله عليه وسلم وعلى آل بيته وعلى اصحابه الكرام فقال استوصوا بأهلها خيرا ……. والحمد لله رب العالمين ….. نحمد ربنا ….. وإذكروا الله كثيرا لعلكم تفلحون.


Daily graph Arabia 

إرسال تعليق

0 تعليقات