مصير صرصار
بقلم د نهي حمدي 🇪🇬
عَلَّق منشور
بيقول محظور
م الآن أتكلم
بالأشعار
وإن شوفتني يوم
بكتب مواويل
وأغاني.. اخبطني
بكام إنذار
صَفَّر لي .. وقول
ليه حكايته تطول..
ليه نحط البنزين جنب
النار ؟!
إوعاكِ تكوني حِلمتي ف يوم
تتساوِي بدنقل... ولَّا
نزار
ويا شاطرة بعيد
إجري العبي به
وأديني حَسَمْت بنفسي
قرار
وإن راودك يوم شياطين
الشعر...
فقولي لهم راح يسخطني
لفار
وإياكِ تِهَوِّبي ناحية بيت
وقولي له إنك بَلَّغتِ
فَرار
خَلَّصتِ ديوان الشعر خلاص...
ويا خوفي آخِرها ليبقى
مرار
وصاحبنا إن سألك مرة، وقال:
فين آخر نص من
الأشعار؟!!
فقولي له: بَلَعته بكوبايتين
قبل أمَّا ألاقي مصير
صرصار
Daily graph Arabia
0 تعليقات