جمال الروح
نظرت فى عينيك رأيت جمال الروح
نقاء وبراءة وطيبة والنظرة تداوى جروح
نِعس الغرام بين الجفون والعشق غير مسموح
نرجس وريحان وورد جورى عبيره م الخدود بيفوح
ندا الصبح على الشفايف والله خايف العقل منى يروح
ننى العيون أسود زيتون والوجه حنون كما البدر صبوح
نثر الفل عليها عبير والشعر ليل حرير مُهره عاشقه الجموح
نار ف القلوب قايده وعيون ع الجمال شاهده والفؤاد مجروح
نام الحب ف قلبها وهىََ لسه ف مهدها رافقها فين ما تروح
نيفين دا إسمها الخالق أبدع رسمها ملاك عاشق وكله طموح
نقية تقية طلتها بهية غزالة ركبت قبل الطوفان سفينة نوح
ناجت ربها فى مهدها خلق الجمال بقلبها زود حلاوة الروح
د.ياسر الشريف
0 تعليقات