حصريا : قصة د / بدر عبد العاطى القوى بقلم لواء سامي دنيا 🇪🇬

 حصريا : قصة د  بدر عبد العاطى 

  أسد الخارجية المصرية 

    نبذة مختصرة عن إبن الصعيد 

  وسام شرف على صدر أبو الرجولة 

■ صعيدى.. ووالده كان راجل على أد حاله وفاتح «دكان بسيط».. وإتعلم فى مدارس حكومية .. وفى الجامعة كان كل هدفه يطلع من الأوائل عشان ياخد منحة التفوق وإقامة مجانية فى المدينة الجامعية ويريح أبوه.. ولما قَدَّم فى وزارة الخارجية طلع الأول على دفعته وإتعين من غير واسطة .. وعاش 4 سنين فى إسـ ـرائـ ـيل وعارف عنهم كل حاجة ..                   

                     

■ إتولد فى أسيوط سنة 66.. وأبوه الحاج أحمد عبد العاطى كان راجل بسيط جدًا وفاتح محل صغير فى قريتهم عشان يصرف على ولاده.. ووالدته ست بيت ..

■و"بدر" من صغره طالب شاطر فى المدرسة.. وفى الأجازات بيقف مع باباه فى المحل عشان يساعده .. 

■وكل_تعليمه كان فى مدارس حكومى بالمجان.. ولا عمره عرف يعنى إيه مدارس خاصة ولا لغات .. 

■ وفى_الثانوية كان "أدبى".. ومجموعه وداه كلية سياسة وإقتصاد جامعة القاهرة، إللى هى كلية الإقتصاد والعلوم السياسية!!!

■ ولما_جه "مصر" مكنش عنده غير هدف واحد.. إنه ينجح بإمتياز.. عشان ياخد "منحة التفوق" كل سنة ويصرف بيها على نفسه .. 

■ وفى_نفس_الوقت يدوله إقامة مجانية فى المدينة الجامعية فى منطقة بين السرايات ..

■ وبالفعل "بدر" بقى من أشطر طلاب الكلية.. وطول الـ 4 سنين كان بياخد منحة التفوق ..

■ ورغم_ظروفه_الصعبة كان مصمم على النجاح مع إن معظم إللى حواليه فى الكلية يا إما ولاد سفراء أو وزراء أو أهاليهم أغنياء ..

■ وبعد_التخرج - بتقدير جيد جداً - إشتغل باحث فى مركز الأهرام للدراسات السياسية والإستراتيجية ..

■ ويا_دوب كام شهر ووزارة الخارجية فتحت باب التوظيف.. و"بدر" قرر يقدم مع إنه لا يعرف حد ولا عنده واسطة وأهله ناس غلابة ..

■والمفاجأة طلع الأول على دفعته فى الشفوى والتحريرى ونجح فى كل الإختبارات.. وإتعين ملحق دبلوماسى بوزارة الخارجية سنة 89 ..

■ وبعدها بتحصله أول نقلة كبيرة فى حياته لما بيجيله تكليف يروح سفارتنا فى تـ ـل أبـ ـيب وبيشتغل سكرتير تالت فى السفارة هناك 4 سنين .. ■ وفى_الفترة_دى كان مسئول عن ملفين؛ ■ الأول الشئون الداخلية الإسرائـ ـيلية

■ والتانى عملية السلام فى الشرق الأوسط!!!

■ ونقدر_نقول إن السفير بدر عبد العاطى عارف إسـ ـرائـ ـيل زى كف إيده.. ويعرف بيفكروا إزاى وبيشتغلوا بأى طريقة.. وده إللى ساعده فى حياته بعد كدا .. ■ ولما_نجح فى مهمته رجع على مصر وإشتغل شوية فى الوزارة.. ومنها راح على سفارتنا فى طوكيو.. وكان برضو مسئول عن ملف عملية السلام فى المنطقة وإتضاف عليه متابعة ملف إيران ..

■ ومن_طوكيو لواشنطن وإتولى التنسيق مع الكونجرس الأمريكى ثم رجع ومسك مدير شئون فلـ ـسطين فى الوزارة .. ■ وبكدا بقى خبير فى ملف الصراع الفلـ ـسطينى 

الإسرائـ ـيلى .. ■ وهيكون ده واحد من أهم أسباب تعيينه وزير للخارجية بجانب خبرته الكبيرة فى العلاقات مع أوروبا بعد ما إشتغل سنين فى ألمانيا والإتحاد الأوروبى وحلف الناتو .. ■ ورغم_نجاحاته الكبيرة فى تمثيل مصر إتعرض لحملات تشويه من الإخوان ..

■والإخوان بيكرهوا بدر عبد العاطي عشان كان من أوائل الدبلوماسيين إللى أعلنوا تأييد ثورة 30 يونيو، وكان على رأس قوايم الإعتقالات إللى حطتها الجماعة له لو 30 يونيو فشلت ..

■ وع_المستوى_الشخصى.. السفير بدر عبد العاطى متجوز وعنده ٣ أولاد .. ■ وأصعب لحظات مرت عليه لما مامته وأخوه الكبير ماتوا .. ■ تحية_صادقة منى ومن كل المصريين لهذا الرجل العظيم  …. مع خالص دعواتى له ولكل فريق الخارجية المصرية  العريقة بالتوفيق والسداد فى ادارة الشؤن الخارجية لمصر المحروسة.